ગાધીનગર
કમિશનરશ્રી, યુવક સેવા અને સાંસ્કૃતિક પ્રવૃત્તિઓ, ગાંધીનગર દ્વારા પ્રેરિત તથા જિલ્લા યુવા અને સાંસ્કૃતિક પ્રવૃત્તિઓની કચેરી, સાબરકાંઠા દ્વારા “જિલ્લાકક્ષાએ અનુસૂચિત જનજાતિ લોકનૃત્ય અને લોકવાદ્ય તાલીમ શિબિર ૨૦૨૬-૨૭”નું આયોજન કરવામાં આવનાર છે. આ તાલીમ શિબિરનો મુખ્ય ઉદ્દેશ અનુસૂચિત જનજાતિના ૧૪થી ૨૮ વર્ષના યુવક-યુવતીઓમાં તેમની કલા અને સંસ્કૃતિ પ્રત્યેની અભિરુચિ વિકસાવવી તથા અનુસૂચિત જનજાતિની લોકસંસ્કૃતિને જાળવી રાખવાનો છે. સાથે સાથે રાજ્યના અન્ય યુવા વર્ગ સાથે સાંસ્કૃતિક આદાન-પ્રદાનને પ્રોત્સાહન આપવાનો પણ હેતુ છે.
શિબિરમાં વધુમાં વધુ ૪૦ તાલીમાર્થીઓને જોડવામાં આવશે. ૪૦થી વધુ અરજીઓ પ્રાપ્ત થશે તો સમિતિ દ્વારા પસંદગી કરવામાં આવશે.શિબિરમાં ભાગ લેવા ઇચ્છુક તાલીમાર્થીઓએ પ્રવેશપત્ર તથા જન્મતારીખના આધાર સહિત જરૂરી પુરાવા સાથે તા. ૧૫ ઓક્ટોબર, ૨૦૨૬ સુધીમાં જિલ્લા યુવા અને સાંસ્કૃતિક પ્રવૃત્તિઓની કચેરી, જિલ્લા હોસ્પિટલ કેમ્પસ, સભાજ રોડ, હિંમતનગર, જિ. સાબરકાંઠા ખાતે અરજી પહોંચાડવાની રહેશે.વધુ માહિતી માટે જિલ્લા યુવા અને સાંસ્કૃતિક પ્રવૃત્તિઓની કચેરી, સાબરકાંઠા, હિંમતનગરનો સંપર્ક કરવા એક અખબારી યાદીમાં જણાવવામાં આવ્યું છે.
