ધર્મેન્દ્ર પ્રધાનનું રાજીનામું, યુવા શક્તિનો ઐતિહાસિક વિજય

​નવી દિલ્હી:
દેશના શિક્ષણ ક્ષેત્રે ચાલી રહેલા પેપર લીક વિવાદમાં યુવાનો અને આંદોલનકારીઓ સામે અંતે કેન્દ્ર સરકારને નમતું જોખવું પડ્યું છે. દિલ્હીના જંતર-મંતર પર છેલ્લા ૩૬ દિવસથી સતત ચાલી રહેલા વિરોધ પ્રદર્શન બાદ કેન્દ્રીય શિક્ષણ મંત્રી ધર્મેન્દ્ર પ્રધાને પોતાના પદ પરથી રાજીનામું આપી દીધું છે. આ ઘટનાને ‘Gen Z’ અને ‘કોકરોચ જનતા પાર્ટી’ (CJP) ની લોકશાહી ઢબે મેળવેલી મોટી જીત ગણાવવામાં આવી રહી છે.
​શિક્ષણ મંત્રી ધર્મેન્દ્ર પ્રધાને સોશિયલ મીડિયા પર એક પત્ર પોસ્ટ કરીને પોતાના રાજીનામાની જાહેરાત કરી હતી.
​આ પત્ર ૨ પેજ અને ૫૭૫ શબ્દોમાં લખાયેલો છે. આ પત્રમાં મંત્રીએ બે અલગ-અલગ જગ્યાએ “યુવાનોને ભ્રમિત કરવામાં આવી રહ્યા છે” તેવો ઉલ્લેખ પણ કર્યો છે.

​”ઝુકતી હે દુનિયા, ઝુકાને વાલા ચાહિયે”: CJP પ્રમુખ અભિજિત દીપકે

​રાજીનામાના સમાચાર મળતા જ જંતર-મંતર પર વિરોધ કરી રહેલા CJP ના પ્રમુખ અભિજિત દીપકે ખુશી વ્યક્ત કરી હતી. તેમણે સરકાર પર પ્રહાર કરતા જણાવ્યું હતું કે:
​”મને એક મહિનાથી લોકો કહેતા હતા કે તમે શું કરી રહ્યા છો? ક્યાં સુધી બેસશો? આ સરકારમાં રાજીનામાં નથી થતાં. પરંતુ અમે કરી બતાવ્યું. આ સરકારમાં રાજીનામાં નથી થતા તેવું કહેનારાઓ જોઈ લે – ઝુકતી હે દુનિયા, ઝુકાને વાલા ચાહિયે!”
​તેમણે ઉમેર્યું હતું કે, “કોકરોચ એકવાર ઘૂસે છે તો નીકળતો નથી. અમે એક મંત્રીનું રાજીનામું લઈ લીધું, તો બીજા નેતાઓ શું ચીજ છે?”

​આંદોલન હજુ પૂરું નથી થયું: વિદ્યાર્થીઓની ૩ મુખ્ય માંગણીઓ

​CJP અને યુવા નેતાઓએ સ્પષ્ટ કર્યું છે કે શિક્ષણ મંત્રીના રાજીનામા બાદ પણ તેમનું આંદોલન સમાપ્ત નહીં થાય. તેમણે સરકાર સામે નીચે મુજબની ૩ મુખ્ય માંગણીઓ મૂકી છે:

​૧ કરોડનું વળતર: પેપર લીકના તણાવ અને નિરાશામાં જે પણ બાળકોએ આત્મહત્યા કરી છે, તેમના પીડિત પરિવારને તાત્કાલિક ₹૧ કરોડનું વળતર આપવામાં આવે.

​પોલીસ પર કાર્યવાહી: વિરોધ પ્રદર્શન દરમિયાન આંદોલનકારીઓ અને વિદ્યાર્થીઓ પર અત્યાચાર ગુજારનાર નિર્દય પોલીસ અધિકારીઓ સામે કડક કાનૂની કાર્યવાહી થવી જોઈએ.

​કેસો પાછા ખેંચવા: આંદોલન દરમિયાન નિર્દોષ વિદ્યાર્થીઓ પર નોંધાયેલા તમામ પોલીસ કેસ વગર શરતે પાછા ખેંચવામાં આવે.

​હોસ્પિટલમાંથી સોનમ વાંગચુકનો સંદેશ: “આ પ્રત્યક્ષ લોકશાહીની જીત”

​ધર્મેન્દ્ર પ્રધાનના રાજીનામાની માગ સાથે જંતર-મંતર પર ભૂખ હડતાળ પર બેઠેલા જાણીતા સામાજિક કાર્યકર્તા સોનમ વાંગચુક (જેઓ હાલ હોસ્પિટલમાં સારવાર હેઠળ છે) તેમણે પણ આ જીતને આવકારી હતી. તેમણે પોસ્ટ કરીને લખ્યું:
​”આ લોકશાહીની જીત છે, પ્રત્યક્ષ લોકશાહી… જે રસ્તાઓ પરથી મળી છે. આ શાંતિ, ધૈર્ય અને દ્રઢતાની જીત છે. CJP અને Gen Z ને ખૂબ ખૂબ અભિનંદન. દેશના ખૂણે-ખૂણેથી સાથ આપવા બદલ તમામ નાગરિકોનો આભાર.”

​ભાજપ અને સત્તાધારી પક્ષ માટે ચેતવણી

​આ ઘટનાએ સાબિત કરી દીધું છે કે દેશનો Gen Z યુવા વર્ગ હવે કોઈપણ રાજકીય દમનગીરી કે અહંકાર સહન કરવા તૈયાર નથી. જો સત્તામાં બેઠેલા નેતાઓ અને કાર્યકર્તાઓ પોતાના વલણમાં સંયમ નહીં રાખે અને પ્રજાલક્ષી કાર્યો કરવા પર ધ્યાન નહીં આપે, તો આવનારા સમયમાં દેશનો આ જ જાગૃત યુવા વર્ગ તેમને સત્તા પરથી હટાવવામાં પાછી પાની નહીં કરે.

દેશના રાજકારણમાં એક મોટો અને ઐતિહાસિક વળાંક જોવા મળી રહ્યો છે. અત્યાર સુધી સત્તાની મજબૂત પકડ ધરાવતી ભાજપ સરકારને પહેલીવાર આજના યુવા વર્ગ એટલે કે ‘GEN Z’ સામે ઝુકવાની ફરજ પડી છે. ધર્મેન્દ્ર પ્રધાનના રાજીનામા સાથે જ સ્પષ્ટ થઈ ગયું છે કે હવે દેશનો યુવા વર્ગ કોઈપણ પ્રકારની રાજકીય દમનગીરી સહન કરવાના મૂડમાં નથી.

​નેતાઓનો ઘમંડ અને GEN Z નો પાવર

​લાંબા સમયથી લોકોમાં એવી ચર્ચા હતી કે સત્તાના નશામાં ભાજપના કેટલાક નેતાઓ અને કાર્યકર્તાઓ ઘણી ‘હવા’માં રહેતા હતા. “અમે જ છીએ, અમારી સરકાર છે, કોઈ અમારું કાંઈ બગાડી શકે નહીં” તેવી માનસિકતા ધરાવતા નેતાઓને GEN Z એ તેમની અસલી જગ્યા બતાવી દીધી છે અને તેમને જમીન પર પટક્યા છે. યુવાનોની આ શક્તિએ સાબિત કરી દીધું છે કે લોકશાહીમાં અસલી તાકાત જનતાના હાથમાં જ છે.

​ભાજપ માટે લાલ બત્તી: સુધરો નહીં તો ભૂતકાળ બની જશો
​આ ઘટના ભાજપ માટે એક મોટી ચેતવણી સમાન છે.

રાજકીય નિષ્ણાતોના મતે:

​જો ભાજપના નેતાઓ અને કાર્યકરોની આ અહંકારી વિચારધારા ચાલુ રહેશે, તો આવનારા સમયમાં પાર્ટીનું પતન નિશ્ચિત છે.
​ભાજપ હાઈકમાન્ડે હજુ પણ સમયસર જાગીને પોતાના નેતાઓ અને કાર્યકર્તાઓને સંયમ રાખવા અને માત્ર પ્રજાલક્ષી કાર્યો કરવાની કડક તાકીદ કરવી પડશે.
​જો સત્તાધારી પક્ષ પ્રજાલક્ષી કાર્યો નહીં કરે, તો આ જ GEN Z આવનારા સમયમાં દેશને ‘ભાજપ મુક્ત’ કરી દેશે અને ભાજપ માત્ર એક ભૂતકાળ બની જશે.

​ગામડાથી લઈને શહેર સુધી GEN Z ગેલમાં

​ભાજપની આ પીછેહઠથી દેશભરનો GEN Z વર્ગ ગેલમાં આવી ગયો છે. યુવાનોમાં એક નવો ઉત્સાહ જોવા મળી રહ્યો છે.
• ​દરેક રાજ્ય
• ​જિલ્લા અને તાલુકા
• ​ગ્રામ્ય સ્તરનો યુવા વર્ગ

​હવે સંપૂર્ણપણે જાગૃત થઈ ગયો છે. દેશમાં જ નહીં, પરંતુ સમગ્ર વિશ્વમાં GEN Z નો પાવર ‘ફૂલ ઓન’ મોડમાં જોવા મળી રહ્યો છે. ભાજપે છેવટે પોતાની ભૂલો સ્વીકારીને જે પીછેહઠ કરી છે, તે યુવા વર્ગની જાગૃતતા અને એકતાની બહુ મોટી જીત માનવામાં આવી રહી છે.