ગાંધીનગરનો ‘ચ’ માર્ગ બનશે ‘મોર્ડન સ્માર્ટ રોડ’

કાલ્પનિક ફોટો (AI જનરેટેડ)

ગાંધીનગર,

ગાંધીનગર ઉત્તર વિધાનસભાના ધારાસભ્ય શ્રીમતી રીટાબેન પટેલની સક્રિયતા અને પ્રશંસનીય લોકઉપયોગી કામગીરીના પરિણામે પાટનગરના વિકાસમાં વધુ એક સુવર્ણ કલગી ઉમેરાઈ છે. શહેરના વ્યસ્ત અને મુખ્ય એવા ‘ચ’ માર્ગને રૂ. ૪૯.૫૯ કરોડના ખર્ચે ‘મોડલ સ્માર્ટ રોડ’ તરીકે વિકસાવવાની મંજૂરી મેળવવામાં તેઓ સફળ રહ્યા છે. ધારાસભ્યશ્રીની આ રજૂઆતને મુખ્યમંત્રી શ્રી ભુપેન્દ્રભાઈ પટેલે ત્વરિત મંજૂરી આપતા ગાંધીનગરવાસીઓમાં ભારે હર્ષની લાગણી વ્યાપી ગઈ છે.

શહેરના પ્રજાલક્ષી પ્રશ્નો અને આધુનિક આયોજન માટે સતત કાર્યશીલ રહેતા રીટાબેન પટેલે મુખ્યમંત્રીશ્રીનો આભાર માનતા જણાવ્યું હતું કે, “કેન્દ્રીય ગૃહમંત્રી શ્રી અમિતભાઈ શાહના માર્ગદર્શન અને મુખ્યમંત્રી શ્રી ભુપેન્દ્રભાઈ પટેલના નેતૃત્વમાં ભાજપા સરકાર ગાંધીનગરને વિશ્વસ્તરીય શહેર બનાવવા કટિબદ્ધ છે.”

આધુનિક સુવિધાઓથી સજ્જ બનશે પાટનગરનો ‘ચ’ રોડ

ધારાસભ્ય રીટાબેન પટેલની આ રજૂઆત સ્વીકારાતા હવે ‘ચ’ માર્ગનો કાયાકલ્પ થશે, જેના અંતર્ગત નીચે મુજબની અદ્યતન સુવિધાઓ ઊભી કરાશે:

• સ્માર્ટ ટ્રાફિક મેનેજમેન્ટ: વાહનચાલકોને ટ્રાફિકની સમસ્યાથી મુક્તિ મળશે અને પ્રવાસ સુગમ બનશે.
• ગ્રીનરી અને સૌંદર્યીકરણ: ગ્રીન સિટીના હેતુને સાર્થક કરવા રોડની બંને બાજુ હરિયાળી અને આધુનિક સુશોભન કરાશે.
• વૈશ્વિક સ્તરનું ઇન્ફ્રાસ્ટ્રક્ચર: પાટનગરમાં યોજાતા રાષ્ટ્રીય-આંતરરાષ્ટ્રીય સ્તરના કાર્યક્રમોને અનુરૂપ આધુનિક સુવિધાઓનો વિકાસ કરાશે.

પ્રજાના હિતમાં ધારાસભ્યનો દૂરોગામી અભિગમ

“ગાંધીનગર માત્ર ગુજરાતનું પાટનગર નથી, પરંતુ વૈશ્વિક સ્તરે રાજ્યનું ગૌરવ છે. ભવિષ્યની જરૂરિયાતો અને આંતરરાષ્ટ્રીય કાર્યક્રમોની સંભાવનાઓને ધ્યાનમાં રાખીને મેં આ રજૂઆત કરી હતી. આ પ્રોજેક્ટ ગાંધીનગરને દેશની અદ્યતન રાજધાનીઓમાં અગ્રેસર સ્થાન અપાવશે.”
— શ્રીમતી રીટાબેન પટેલ, ધારાસભ્ય (ગાંધીનગર ઉત્તર)

સ્થાનિક નાગરિકો અને સંગઠનો દ્વારા પણ ધારાસભ્ય શ્રીમતી રીટાબેન પટેલની આ સફળ રજૂઆત અને સરાહનીય કામગીરીને બિરદાવવામાં આવી રહી છે. તેમના આ પ્રયાસોથી ગાંધીનગર વધુ સુવિધાસભર, સ્વચ્છ અને સ્માર્ટ સિટી બનવા તરફ ઝડપથી આગળ વધી રહ્યું છે.