ગાંધીનગરમાં ભવ્ય ‘એકતા યાત્રા’ અને ‘લોકડાયરા’નું આયોજન
ગાંધીનગર,
ભારતની એકતા અને અખંડિતતાના શિલ્પી, દેશના પ્રથમ નાયબ વડાપ્રધાન અને ગૃહમંત્રી, તથા ‘લોખંડી પુરુષ’ તરીકે ઓળખાતા સરદાર વલ્લભભાઈ પટેલની ૧૫૧મી જન્મજયંતીની ભવ્ય ઉજવણીનું ગાંધીનગરમાં આયોજન કરવામાં આવ્યું છે. આ પ્રસંગે રાષ્ટ્રીય એકતાને પ્રોત્સાહન આપવા અને લોકસંસ્કૃતિને ઉજાગર કરવા બે વિશેષ કાર્યક્રમો – ‘ભવ્ય એકતા યાત્રા’ અને ‘ભવ્ય લોકડાયરા’નું આયોજન કરવામાં આવ્યું છે.સરદાર સાહેબે આઝાદી પછી દેશના અનેક રજવાડાઓનું એકીકરણ કરી અખંડ ભારતનું નિર્માણ કરવામાં ઐતિહાસિક યોગદાન આપ્યું હતું. તેમનું સમગ્ર જીવન રાષ્ટ્રપ્રેમ, રાષ્ટ્રીય એકતા, અખંડિતતા, સમર્પણ, દ્રઢ નિશ્ચય અને રાષ્ટ્રસેવાનું પ્રેરણાદાયી ઉદાહરણ પૂરું પાડે છે.
આજના સમયમાં પણ તેમના વિચારો અને આદર્શો દેશની એકતા અને રાષ્ટ્રીય અસ્મિતાને વધુ મજબૂત બનાવવા માટે પ્રેરણારૂપ છે.આ ઉજવણીનો મુખ્ય ઉદ્દેશ્ય સરદાર સાહેબના રાષ્ટ્રપ્રેમ, એકતા અને અખંડિતતાના સંદેશને જન-જન સુધી પહોંચાડવાનો છે. આ કાર્યક્રમ થકી નાગરિકોમાં રાષ્ટ્રીય એકતાની ભાવના વધુ પ્રબળ બને, યુવા પેઢી સરદાર સાહેબના જીવન અને કાર્યોમાંથી પ્રેરણા મેળવે, અને સમાજમાં સમરસતા તથા રાષ્ટ્રભાવનાનો સંદેશ પ્રસરે તેવો આશય છે.
કાર્યક્રમની વિગતો:
કાર્યક્રમ – ૧: ભવ્ય એકતા યાત્રા * તારીખ: ૩૧ ઑક્ટોબર, ૨૦૨૬, શનિવાર * સમય: સવારે ૮:૦૦ વાગ્યે * સ્થળ: શ્રી ઉમિયા માતાજી સંસ્થાન, સેક્ટર-૧૨, ગાંધીનગરથી પ્રસ્થાનઆ યાત્રામાં નાગરિકો, યુવાનો, સામાજિક સંસ્થાઓના પ્રતિનિધિઓ તથા સરદાર સાહેબના વિચારોમાં શ્રદ્ધા ધરાવતા તમામ લોકોને વિશાળ સંખ્યામાં જોડાવા અપીલ કરવામાં આવી છે. એકતા યાત્રા દ્વારા રાષ્ટ્રીય એકતા, અખંડિતતા, સામાજિક સમરસતા અને દેશપ્રેમનો સંદેશ લોકો સુધી પહોંચાડવાનો પ્રયાસ કરવામાં આવશે.
કાર્યક્રમ – ૨: ભવ્ય લોકડાયરો * તારીખ: ૩૧ ઑક્ટોબર, ૨૦૨૬, શનિવાર * સમય: રાત્રે ૮:૦૦ વાગ્યે * સ્થળ: કાનમ પાર્ટી પ્લોટ, કુડાસણ, ગાંધીનગરગુજરાતી લોકસંસ્કૃતિ અને લોકકલા સાથે જોડાયેલા આ કાર્યક્રમ દ્વારા લોકોમાં સાંસ્કૃતિક ચેતના, સામાજિક એકતા અને રાષ્ટ્રીય ભાવનાને પ્રોત્સાહન આપવાનો ઉદ્દેશ્ય છે.જનભાગીદારી માટે અપીલ:આયોજકો દ્વારા ગાંધીનગર તથા આસપાસના વિસ્તારોના તમામ નાગરિકો, સામાજિક અને સેવાભાવી સંસ્થાઓના હોદ્દેદારો, વિવિધ સમાજના આગેવાનો, યુવાનો, મહિલાઓ અને સરદાર સાહેબના ચાહકોને બંને કાર્યક્રમોમાં ઉત્સાહપૂર્વક સહભાગી થવા હાર્દિક અપીલ કરવામાં આવી છે.
આ માત્ર એક ઉજવણી નથી, પરંતુ રાષ્ટ્રની એકતા અને અખંડિતતા પ્રત્યેની આપણી પ્રતિબદ્ધતાને પુન:દ્રઢ કરવાનો અવસર છે.ચાલો, સરદાર સાહેબના વિચારોને આત્મસાત્ કરીએ, રાષ્ટ્રીય એકતાની ભાવનાને વધુ મજબૂત બનાવીએ અને સૌ સાથે મળીને અખંડ ભારતના નિર્માણ માટે સંકલ્પબદ્ધ બનીએ.આ સમગ્ર કાર્યક્રમનું આયોજનસરદાર પટેલ સાહેબ જન્મજયંતિ ઉજવણી સમિતિ, ગાંધીનગર દ્વારામાં કરવામાં આવ્યું છે.
