સુરત,
સુરત શહેર હોમગાર્ડઝ દળના સી ઝોન દ્વારા તા. ૧૯/૦૯/૨૦૨૬ના રોજ ડૉ. પ્રફુલ વી. શિરોયા સાહેબશ્રી, જિલ્લા કમાન્ડન્ટ, સુરત શહેરની અધ્યક્ષતામાં “સ્વચ્છ ભારત અભિયાન” અંતર્ગત સ્વચ્છતા અભિયાનનું આયોજન કરવામાં આવ્યું હતું.
આ સ્વચ્છતા અભિયાન સેકન્ડ-ઇન-કમાન્ડ શ્રી પણવ કે. ઠાકર સાહેબના માર્ગદર્શન હેઠળ તથા સી ઝોનના ઓફિસર કમાન્ડિંગ શ્રી ગીરીશ એચ. પટેલના નેતૃત્વમાં યોજવામાં આવ્યું હતું.
કાર્યક્રમમાં SPC શ્રી વી.ટી. મહાજન, SPC શ્રી આર.એસ. વાઘ, PC શ્રી અરુણ તિવારી, પા.ટા. ક્લાર્ક શ્રી પ્રવીણ ડી. કોહલે, NCO’s તથા હોમગાર્ડઝ સભ્યો ઉપસ્થિત રહ્યા હતા. સૌએ સાથે મળી ગોડાદરા ખાતેના ગ્રાઉન્ડ તથા આસપાસના વિસ્તારમાં સ્વચ્છતા કામગીરી હાથ ધરી હતી.
અભિયાન દરમિયાન અધિકારીઓ તથા હોમગાર્ડઝ જવાનો દ્વારા શ્રમદાન કરી કચરો, સૂકો કચરો તથા પાંદડાઓ એકત્ર કરી આસપાસના વિસ્તારને સ્વચ્છ અને સુઘડ બનાવવામાં આવ્યો હતો. સ્વચ્છતા કામગીરીમાં હોમગાર્ડઝ જવાનોએ ઉત્સાહપૂર્વક ભાગ લઈ સમાજ પ્રત્યેની પોતાની જવાબદારીનું ઉત્તમ ઉદાહરણ પૂરું પાડ્યું હતું.
આ પ્રસંગે ડૉ. પ્રફુલ વી. શિરોયા સાહેબશ્રી, જિલ્લા કમાન્ડન્ટ દ્વારા સ્વચ્છતા અભિયાનના મહત્વ અંગે માર્ગદર્શન આપવામાં આવ્યું હતું. તેમણે સ્વચ્છતા માત્ર એક અભિયાન પૂરતી મર્યાદિત ન રહે પરંતુ તેને દૈનિક જીવનનો અભિન્ન હિસ્સો બનાવવાની જરૂરિયાત પર ભાર મૂક્યો હતો તથા હોમગાર્ડઝ દળના સભ્યોને સમાજમાં સ્વચ્છતા અને સામાજિક જવાબદારી અંગે જાગૃતિ ફેલાવવા પ્રોત્સાહિત કર્યા હતા.
સેકન્ડ-ઇન-કમાન્ડ શ્રી પણવ કે. ઠાકર તથા ઓફિસર કમાન્ડિંગ, સી ઝોન શ્રી ગીરીશ એચ. પટેલ દ્વારા સમગ્ર કાર્યક્રમનું માર્ગદર્શન, સંકલન અને વ્યવસ્થાપન કરવામાં આવ્યું હતું. સાથે જ સ્વચ્છતા કામગીરી દરમિયાન જવાનોને જરૂરી સૂચનાઓ આપી સ્વચ્છ અને સુંદર પરિસર જાળવવા માટે પ્રેરિત કરવામાં આવ્યા હતા.
આ સ્વચ્છતા અભિયાન દ્વારા જનમાનસમાં એવો સંદેશ આપવામાં આવ્યો હતો કે:
“સ્વચ્છતા રાખવી એ માત્ર ફરજ નથી, પરંતુ દરેક નાગરિકની સામૂહિક જવાબદારી છે.”
કાર્યક્રમના અંતે ઉપસ્થિત તમામ અધિકારીઓ તથા હોમગાર્ડઝ સભ્યોએ *“સ્વચ્છ સુરત – સ્વચ્છ ગુજરાત”*ના સંકલ્પ સાથે પોતાના આસપાસનો વિસ્તાર સ્વચ્છ રાખવા તથા અન્ય લોકોને પણ સ્વચ્છતા માટે પ્રેરિત કરવાનો સંદેશ આપ્યો હતો.
“સ્વચ્છતા જ્યાં હોય છે, ત્યાં સ્વસ્થતા અને સકારાત્મકતા વસે છે.”
સુરત શહેર હોમગાર્ડઝ દળ
સી ઝોન, સુરત
