વોર્ડ નં.૯ના ઉમેદવારોને સ્થાનિકો તરફથી મળ્યો પ્રચંડ જનસમર્થન

ગાંધીનગર મહાનગરપાલિકા ચૂંટણી : વોર્ડ નં. ૯ માં ભાજપ દ્વારા કુડાસણ ખાતે જાેરદાર ડોર-ટુ-ડોર પ્રચાર

ગાંધીનગર,
ગાંધીનગર મહાનગરપાલિકા ચૂંટણી ૨૦૨૬ અંતર્ગત વોર્ડ નંબર-૯ (સેક્ટર-૨, ૩, ૩ ન્યુ, ઈન્ફોસિટી, કુડાસણ, ધોળાકુવા ટી.પી. નં. ૬) માં ચૂંટણી પ્રચાર પૂરજોશમાં શરૂ થઈ ચૂક્યો છે. આજ રોજ ભાજપના વિવિધ આગેવાનો અને કાર્યકરો દ્વારા કુડાસણ વિસ્તારની વિવિધ સોસાયટીઓમાં ઘરે-ઘરે જઈને સઘન લોકસંપર્ક (ડોર-ટુ-ડોર પ્રચાર) હાથ ધરવામાં આવ્યો હતો, જ્યાં સ્થાનિક નાગરિકો તરફથી ઉમેદવારો અને પક્ષને ઉષ્માભર્યું સ્વાગત તથા અભૂતપૂર્વ જનસમર્થન સાંપડ્યું હતું.

પ્રચારમાં અગ્રણી આગેવાનો અને કાર્યકરોની ઉપસ્થિતિ
આ લોકસંપર્ક અભિયાન દરમિયાન ભાજપ સંગઠનના અગ્રણીઓ અને કાર્યકરો ઉત્સાહભેર જોડાયા હતા. જેમાં મુખ્યત્વે:

ધારાસભ્ય શ્રી સાબરમતી હષૅદભાઈ પટેલ

કલ્પેશભાઈ પટેલ (જિલ્લા પંચાયત સદસ્યશ્રી)

સુરેશભાઈ પ્રભુદાસ પટેલ (કાર્યાલય ઈનચાર્જ)

પટેલ સંજયકુમાર ગોપાળભાઈ (સક્રિય કાર્યકર, ગાંધીનગર)

દિપાભાઈ પટેલ

વોર્ડ નં. ૯ ના સક્રિય કાર્યકરો તેમજ મહિલા મોરચાના બહેનો મોટી સંખ્યામાં ઉપસ્થિત રહ્યા હતા.

લોકો સાથે સીધો સંવાદ
પ્રચાર દરમિયાન આગેવાનોએ સોસાયટીના રહીશો સાથે સીધો સંવાદ સાધી વિસ્તારના વિકાસ કાર્યો, સુખાકારી અને જનસુવિધાઓ અંગે ચર્ચા કરી હતી. મહિલા મોરચા અને યુવા કાર્યકરોએ પેમ્પલેટ્સ વિતરણ કરી લોકોને ભાજપની વિકાસયાત્રામાં જોડાઈ જંગી બહુમતીથી વિજયી બનાવવા અપીલ કરી હતી. સ્થાનિક રહીશોએ પણ ભાજપની વિચારધારા અને નેતૃત્વ પર વિશ્વાસ વ્યક્ત કરી પૂર્ણ સહકારની ખાતરી આપી હતી.

વોર્ડ નં. ૯ ના ભાજપના સત્તાવાર ઉમેદવારો:

ક્રમાંક નં. ૩: જયંતિભાઈ સદાભાઈ ડાભી (જે.ડી.) — બિલ્ડર અને જાણીતા સહકારી આગેવાન (રહે. સેક્ટર-૨/ડી)

ક્રમાંક નં. ૬: મહેન્દ્રભાઈ પી. પટેલ (દાસ) — વેપારી અને સામાજિક અગ્રણી (રહે. સેક્ટર-૬/એ)

ક્રમાંક નં. ૧૦: વૈદેહી બિપીનભાઈ રાવલ — યુવા શિક્ષિત ઉમેદવાર, M.Com. (રહે. સેક્ટર-૩સી)

ક્રમાંક નં. ૧૧: શારદાબેન કાળાજી ઠાકોર — ગૃહિણી અને કુડાસણના સ્થાનિક પ્રતિનિધિ (રહે. આંબલીવાળો વાસ, કુડાસણ)

કુડાસણ ખાતે યોજાયેલા આ લોકસંપર્કથી સમગ્ર વોર્ડ નં. ૯ માં ચૂંટણી માહોલ વધુ ગરમાયો છે અને કાર્યકરોમાં નવા જોમ-જુસ્સાનો સંચાર થયો છે.